鄧鉅明出錢出力保恩愛

昨日鄧鉅明太太鄧宣宏雁出席保良局就職典禮及慈善晚宴，其他出席的名人還有「玩具大王」蔡志明夫婦及「鯊魚女」陳細潔、蕭定一等。其中剛第一次擔任總理的鄧太獲丈夫陪同現身，她笑言最需要丈夫的金錢支持自己的職務，鄧生即表示無論在時間、心理及家庭上，都會全力支持太太，並開玩笑說：「全家總動員支持老婆，不過我要節衣縮食啦！」在旁的鄧太甜絲絲說：「你努力做嘢就得啦！」

少咗見面變好事

鄧太又直言已向丈夫申請減少上班，因為要投入保良事宜，愛妻號的鄧生即大表贊同：「對我哋兩公婆都係一件好事，見少咗反而會仲恩愛啲。」公然打情罵俏。

陳細潔笑言愈來愈忙，冇時間拍拖。	蔡志明（右）與兒媳蔡加讚、汪圓圓到場支持太太蔡李惠莉（右二）。	蕭定一攜同佗孖胎的太太到場。

陳細潔無暇拍拖

而將於2017年榮升保良主席的陳細潔，坦言不捨得現時副主席的職位，因為明白將來做主席，一定會更加忙碌。早前她被胞姐陳小寶催婚，問她可會閃婚？她笑說：「如果結咗婚一定散，我做主席冇時間，自己返工都冇時間處理保良嘅嘢，何況拍拖結婚？（依家有冇人追？）有，但始終冇一個人令我想結婚，唔知點解啲人覺得我個樣刻住適婚年齡？有幾個識咗一陣就話想同我結婚。」她表示男士們若有善心、喜歡小狗及愛喝紅酒都會加分呢！

文：名人組