霆鋒捏豬心聞完想舔
【老詠誼上海直擊】謝霆鋒昨現身上海，封嘴不談王菲有孕、栢芝拍戲被飛，向來拍戲專業的他，昨日拍攝一場手持屍體道具心臟的戲份時，因覺得心臟甚有質感，停機放下心臟後，霆鋒不禁聞一聞、舔一舔手套，聞到血腥臭味時再問導演，始知是「假人心」（豬心），但霆鋒揚言「只聞、扮舔」，沒有真的舔過手套！
兩大影帝劉青雲、謝霆鋒合作拍攝新片《驚天破》，該片昨於上海舉行記者會及安排探班，譚俊彥、女星雨僑、佟麗婭等亦到場，吸引逾百傳媒採訪！
問菲孕 鬧想死？
霆鋒的感情事一向備受關注，日前傳出女友王菲有孕，向霆鋒求證時他見招拆招說：「我唔睇報道o架喎，唔答！」及後記者想問有關前妻張栢芝被飛出《3D封神榜》一事，霆鋒未待問完笑笑口說：「你係咪想死吖？咁遠水路嚟畀人鬧！」助手即說：「不如講番部戲啦。」霆鋒笑言：「你畀佢問啦，佢問我都係答唔答。」貫徹對感情問題一概不回應的作風！
牛蒡丸 益劇組
在探班期間，於片中飾演警探的霆鋒與飾演犯罪心理學家教授的劉青雲，在酒店發現屍體，霆鋒更自屍體拿出血淋淋的道具心臟。拍畢後霆鋒放下道具心臟，竟然嗅一嗅手套，更被指舔過手套作「研究」。記者事後問他何以如此好奇？霆鋒說：「拍之前導演同我話係假心嚟，但我捏落去，覺得好有質感，同真心臟好似，所以咪聞一聞（指手套），發覺好腥臭，跟住問導演，佢話係假人心，即係豬心！」霆鋒對自己「中招」，露出無奈的表情，但他直言：「我只係聞一聞兼扮舔手套，冇真係舔手套。」
愛煮東西的霆鋒，開工期間煮了咖喱牛蒡丸給劇組享用，青雲表示未有品嘗牛蒡丸，有機會必試！而正籌備《十二道鋒味2》的霆鋒，會否邀請青雲擔任嘉賓？他表示會要求青雲畀檔期，青雲即說：「我只略懂下廚，不過即使做嘉賓，都唔係負責下廚，只負責品嘗。」而佟麗婭原來與偶像王菲同日生日，但沒有八卦「鋒菲」的新聞。