小龍女開腔：同媽咪冇嘢

吳綺莉上月涉嫌虐女被捕後，女兒吳卓林先是留院觀察，之後與契媽同住，而日前更首度「露面」上載去沙灘的自拍照。事隔接近一個月，前晚卓林終於返回大埔寓所，母女團圓！愛女心切的吳綺莉一向有送女兒返學的習慣，昨日早上7時，吳綺莉一如以往，駕車送卓林到學校。

坐同學車回家

至下午約3時半，卓林與數名女同學結伴步出其就讀的國際學校，並在校門前傾偈，有講有笑！不過警覺性高的卓林，發現有記者在場後，即拉起外套的帽子笠頭遮樣，跑回學校保安室，期間不時帶笑探頭張望，而卓林的同學幫手掩護及「睇水」。約10分鐘後，疑似卓林同學的父母，駕私家車到達，同學們先上車，然後私家車駛近保安室，方便卓林上車而不被曝光！

吳綺莉表示仍在學習與小朋友相處之道。	卓林放學後與同學有講有笑。	卓林為避記者，坐同學的車回家。

下午4時40分，面帶笑容的卓林現身大埔寓所，身穿校服的她，全程戴帽耷低頭。問到是否習慣現時生活及有否跟媽媽道歉時，卓林均沒有回應及低頭迴避鏡頭！直至問到目前與母親的關係時，卓林才開口說：「冇嘢，呢度好多人，唔好意思，ByeBye！」說畢便匆匆進入屋內。

每日自我檢討

至於早上湊女返學後的吳綺莉，於下午在電台開咪，訪問同屆的亞姐亞軍施綺蓮及季軍楊玉梅。吳綺莉接受訪問時表示與小朋友相處的工夫是要做到老學到老，自己在學習中。問到卓林是自己回家還是她叫的，她說：「總有一日要返！（單案係咪完結？）交由律師處理。（財政有困難？）睇自己睇法，唔好搞啲小朋友。（傾咩話題？）唔記得，傾好多嘢！（收埋啲酒？）冇呀！大家互相信任。（約法三章？）冇刻意！」她表示每個人每一日都會進步同檢討自己。

文：專案組