甄澤權出術 變走鍾嘉欣
魔術師甄澤權（Louis）前晚在九展舉辦個人魔術騷《世界魔術巡迴之旅》香港站2014，是晚Louis準備了多個驚險魔術表演，包括刀鋸美人及逃脫，還有六合彩預測魔術等，女星鍾嘉欣及陳嘉寶（Anjaylia）更有上台參與演出！現場三千觀眾席滿座，不少藝人都有到場，包括曹永廉、曹敏莉夫婦、呂慧儀夫婦、陳庭欣、李綺雯等，林子博更一家四口捧場，氣氛熱鬧！
兩女赤腳登場
Louis首席兼唯一弟子Anjaylia身穿白色長裙赤腳登場獻技，猶如仙女下凡，她負責表演撲克魔術，雖然並不算高難度，但見她手法熟練沒有穿崩！其後Louis在畫板繪出美女倩影，然後白布一拉，另一嘉賓鍾嘉欣被變進畫框，同樣穿白色長裙和赤腳的嘉欣到舞台中間位置躺下，被Louis施法升至半空，之後他用布把嘉欣全身覆蓋，再將自己升起，最後Louis將布一拉，嘉欣整個消失於觀眾面前，全場拍爛手掌！
陳嘉寶驚到震
Louis表演後受訪時表示今次投資七位數，近日更日夜練習：「魔術係絕對唔可以出錯，會有生命危險，我練習時都有受傷！（嚴重？）都係流血、瘀腫咁。」他表示刻意為香港觀眾加入預測六合彩魔術，希望更有本土特色，並大讚弟子Anjaylia勤力又聰明，問到何以兩位女嘉賓都赤腳登場？他笑說：「唔似仙女咩？盡量唔好高過我啦！」Anjaylia則直言首次表演驚到震：「要扮鎮定，到後台隻手仲震緊。（之後想學咩？）我都想學劍、逃脫等。」
文：影視組