衛蘭破戒食薯片 High到彈起
歌手衞蘭（Janice）一連兩場紅館「衞蘭JANICE WAIKING TO THE FUTURE LIVE 2014」前晚順利完成尾場，獲林建名及契女戴夢夢、盧敏儀夫婦、AGA、應昌佑、馬嘉均及何雁詩捧場，鄭欣宜及師妹JW再任表演嘉賓，不過其母親、妹妹衞詩及公司老闆黎明仍未有現身。之前Janice因黎明一句「衞蘭肥過部電單車」而為個唱地獄式減肥，最後成功大騷成果，但完成演出後她再也忍不住，當樂手單立文把薯片拋向Janice時，她隨即打開並吃了一塊，興奮的她又跪低又跳起，看來十分滿足。
坦言最想黎明捧場
Janice在慶功宴上接受訪問，笑言忍了3個月口，終能「破戒」：「我應承過自己完騷一定要食，至少一塊。（仲會Keep住減？）會呀！咁辛苦減咗10幾磅唔想肥番。」
談到母親及妹妹未有現身，她指母親已打電話為自己打氣，妹妹則在上海忙首飾工作，又否認因公司不想二人同台。至於黎明最後還是沒出現，問到會否失望？她坦言：「個心想佢嚟。（點解第一場之後唔即刻搵佢？）我想專心做好個騷先。」
先放假再決定去向
問到續約問題，Janice表示會先放兩個月假，再決定之後計劃：「我同妹妹會去埃及。（自己取向？）合作咗咁多年，想同佢哋傾工作新目標。（怕唔怕到時唔續約畀人話『反骨』？）公司好錫我，最後做乜決定佢哋都會支持。」她亦坦承有其他唱片公司找她洽談，但自己沒深入研究，更指會以現公司作為首選。
文：音樂組