霆鋒蜜遊返港 單拖去飲
謝霆鋒自從與王菲世紀復合後，大部分時間都陪在王菲身邊甜蜜蜜，日前便傳出兩人到雲南大理度假，昨日霆鋒專程返港出席今日好友蘇永康（康仔）的婚宴，不過，卻未見女友王菲蹤影。至於準新郎康仔昨午到達婚宴酒店打點，他再重申：「我冇請過王菲。」
蘇永康今日迎娶圈外女友馮翠珊（Anita），在洲際酒店筵開50席喜宴，而自好友霆鋒與王菲復合，一直有傳霆鋒會攜王菲參加康仔婚宴作首度公開，昨日四時多，戴上黑色冷帽墨鏡的霆鋒在助手陪同下現身機場抵港大堂，身邊未見女友王菲。
不過，明顯霆鋒心情不俗，他承認回來是飲康仔婚宴，但問到王菲不是一齊「去飲」？霆鋒就未有回答。再追問是否去了大理旅行？如沐春風的霆鋒大方點頭兼「嗯」了一聲，問到有王菲同遊？霆鋒則以微笑作答。 問到準備送甚麼賀禮給康仔定是唱歌贈興？霆鋒笑言：「唔好嘞，費事搞人哋個婚禮啦。（咁阿菲去唔去飲啫？）你係咪未畀人批(月爭)打過？」
提到是否去探過兩個兒子時，霆鋒謂：「探咗都唔話你哋知啦。」之前前妻張栢芝在訪問中說「神」才是兩個仔的「父親」？霆鋒笑笑口說：「你哋係咪想死？想畀人打呀！」另外，霆鋒更成空姐的集郵對象，將合照上載網上。
婚禮費用負擔得起
至於一對準新人康仔及Anita，昨午聯同蘇媽媽及未來外母現身婚禮的酒店作準備，而康仔心情超靚，對於臨結婚前都搏到盡賺錢登台？康仔笑言：「一早儲定晒錢，唔係都唔會結，總之係負擔得起，幾多就唔講嘞，但太太話個數字幾好聽。（同8字有關？）同我時辰八字有關。」
講到會請不少圈中情侶如霆鋒、王菲時，康仔則變認真說：「我重申一次，我從來都冇請過王菲，我再重申一次，冇請過王菲，原因係唔知可以去邊度搵佢！（透過霆鋒囉？）或者咁講，我熟佢性格唔鍾意呢啲場面。」康仔又表示太太的婚紗剛運到來，他亦是第一次見到，若行禮時天氣好，婚紗着出來的效果會很美。
文：音樂組