婦產科專科醫生余啟文表示，如果孕婦在人工流產的手術中流血不止，當中可能有四大成因：「首先，如果孕婦係因為細菌感染而流產，子宮就會收縮唔到，而出現流血不止嘅情況；第二，如果孕婦小產已有一段時間先去做流產手術，當時有可能產生壞血症，而導致手術時流血不止；第三，如果孕婦之前曾經做過婦科手術，例如開刀生仔、割纖維瘤等，都會導致子宮壁變薄而產生胎盤植入嘅情況，因此進行流產手術時會流血不止。最後亦唔排除進行手術期間，醫生唔小心令到孕婦嘅子宮受損，如果子宮頸受傷，甚至子宮穿窿，亦會導致大量出血。」
對於陳琪日後再度懷孕，母子任何一方都存在極大風險，余啟文醫生指：「如果之前孕婦進行人工流產時，子宮受損而穿窿，佢再度懷孕就會存在子宮爆裂嘅危機。另外假如孕婦嘅子宮壁變薄，而再次懷孕時胚胎喺同一個位置生長，有可能會再度出現胎盤植入嘅情況。」