與好戲之人黃秋生同拍《梟雄》的同戲演員馬國明與唐詩詠今日將出發到上海，會合《梟雄》劇組開始拍攝，而吳卓羲日前則已跟大隊一同出發。談到秋生因要自費補酒店差價一事而大動肝火，馬國明言坦言在無綫工作多年，制度一向如此，他謂：「要求一個人房嘅話，每日要幾十蚊差額，唔需要補太多，不過公司向來出埠拍嘢超過三日嘅trip都會有pocket money畀番，嗰條數其實都cover到，咁都好啲。」他又坦言平時拍劇不會聘請助手，因為與劇組本身也很熟落，大家能夠互相照應。問他會否要求住五星級酒店？馬國明謂：「唔使，我哋啲小演員，跟大隊就得。」
至於唐詩詠亦坦言向來也是自付差額，問她覺得是否合理？她謂：「我諗每個製作單位都有唔同準則，之前出去拍電影，係有啲舒服嘅環境，方式唔同，我入TVB以嚟一路都冇變，對我嚟講問題不大。」至於吳卓羲亦自言會有助手隨行，但亦是自行補錢，並早已習慣TVB多年來的模式。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
