高海寧笑點低 被彈嗌痛

藝員高海寧（高Ling）、楊明、莊思明與監製潘嘉德等，前晚於尖沙咀出席新劇《抱佣情人》煞科飯，監製爆料指高Ling與楊明分別出一萬蚊請食飯，認真豪爽！高Ling表示不捨得台前幕後，因為合作得很愉快：「我笑點太低，對住古佬（古明華）同陸永成日忍唔住笑，搞到陸永成日彈我，彈到我痛為止，叫我唔好再笑，等我平復心情。」她又透露將會休息到五月中，問放假時會否出埠享受陽光海灘？她說：「唔得住，背脊仲好多刮痧印，好番先！會返南京探婆婆，因為新年拍緊劇返唔到去。（會否帶緋聞男友鄧智偉去南京？）唔會，婆婆最想見到我！（唔想佢快啲飲孫女婿茶？）佢唔急，佢想我專注事業，希望喺南京嘅電視見到我。」