黃宗澤：補錢換私隱都值

無綫小生黃宗澤（Bosco）經常為公司出埠拍劇，已習慣公司的一貫制度，他稱數年前為《摘星之旅》到大陸拍外景時，在酒店住宿方面因想住得較舒服，並擁有私人空間，所以最後自己補錢住單人房，差額約為「一萬幾千」，Bosco坦言拍攝之前會向公司問清楚：「其實個個外景地方唔同，有啲會有酒店贊助，演員想住單人房會容易啲，但我早幾年幫公司去大陸拍《摘星》外景，起行前都問清楚，最後公司有公司制度，我係明白嘅，咪自己補差額囉，一萬幾千左右啦，換嚟個人私隱都值得嘅！」