陳嘉桓毛巾攝門自保 傅穎嗌恐怖
不少香港和內地藝人都會到內地橫店拍攝電視劇和電影，近日傳出有一名正身在橫店拍戲、知名度高的男星在網上購買迷魂藥，更有傳有女星被迷煙迷暈後，房間的財物被盜。事件傳出後，在橫店開工的藝人都人心惶惶。曾到橫店工作的陳嘉桓和傅穎對傳聞感驚訝，陳嘉桓更表示會用毛巾攝住門罅防迷煙。
內地的橫店是電視劇和電影的拍攝熱點，近日有網民在微博爆料，指一名正在橫店拍戲、知名度高的男藝人，於七月二日在網上購買了迷藥，並公開了一張附有對話的截圖，令傳聞愈傳愈盛。更有人透露年前曾有女星被迷煙迷暈後，房間的財物被盜。「迷藥」事件傳出後震驚整個娛樂圈，在橫店工作的藝人，他們的安全成為最大隱憂。
阿嬌帶附加鎖
曾在橫店拍攝電影的陳嘉桓表示，對傳聞感到震驚，她說：「咁危險？不過我去內地工作都會自備水同水杯，開咗嘅飲品都唔會飲。如果係迷煙嘅話，惟有喺酒店房用毛巾攝住啲門罅。」
今年五月從橫店返港的傅穎亦表示傳聞「幾恐怖」，並說：「雖然我無聽過傳聞，不過拍劇住嘅酒店樓層，都係藝人同工作人員，大家都好熟，同埋出入都係一車去一車返，出入都會有助手陪伴，唔太擔心。」
經常到橫店工作的鍾欣潼（阿嬌）亦從網上看過迷暈傳聞，她說：「我唔係太擔心，因為拍劇我好少外出，食飯都係喺酒店，每次住酒店都帶附加鎖。」正身在橫店的關智斌，表示會更加注意安全，他說：「我會用盡晒房間的防盜措施，再用嘢頂住道門先瞓。」
身在無錫的陳浩民謂：「好耐之前有聽過類似傳聞，但細節都唔記得嘞，近排就冇聽過呢啲謠言，不過大家都小心啲好。」黃宗澤剛從橫店回港，對於傳聞，他指冇聽過亦冇遇過：「不過去到咁遠工作，乜都要小心為上，如果係迷煙真係會防不勝防，惟有同劇組人員互相照應，減低損失。」
文：影視組