Ashina踩場寸仙樂都早抖
眾女未打寫真戰先打口水戰「熱身」，仙樂都昨日到出版商為新寫真集簽名，期間竟冤家路窄遇上「嫩口謝安琪」o靚模郭奕芯（Ashina）踩場，正面交鋒的兩人即展開一輪舌戰。
仙樂都甫見Ashina即先下「口」為強，勁寸對方樣子平庸，令她認錯人：「上次真係唔好意思，因為我朋友都畀人話似謝安琪，我以為盛先生（盛品儒）攬嘅係我朋友Vivian，而且你同我朋友又似樣。」Ashina聽完即時黑面並寸嘴說：「邊個嚟o架？我冇留意呢啲嘢，聽講你今年係最後一次出寫真？祝你『大賣』，係咪影埋今次唔出喇？」仙樂都即說：「唔出喇，好攰，留番畀你出啦。」Ashina聞言反擊說：「應該嘅，休息吓啦你。」一於寸爆仙樂都「早抖」，氣氛充滿火藥味！