《吸血新世紀》（Twilight）男星Kellan Lutz去年為新版《泰山》（Tarzan）配音，近日受訪大爆雖然只為電影聲演，不過仍需脫衣扮泰山試鏡。前日他遊訪英國布里斯托爾動物園時，可能太耐未有扮過泰山，身痕的他竟對住黑猩猩拍晒心口兼大叫，黑猩猩被他嚇一跳望到實，見「觀眾」有反應，Kellan即時七情上面，更作狀要衝過圍欄，可惜黑猩猩已睇厭，毫無反應之餘，不出數秒更拐轉身走人，認真唔畀面！