李英愛徐子淇交流湊仔經

昨晚卡地亞舉行高級珠寶晚宴，展出十七億珠寶，為隆重其事，大會邀得「氧氣美女」李英愛大駕光臨，同場還有「千億新抱」徐子淇及「跳水公主」郭晶晶，三位同為人母的靚媽各具美態。

等最佳劇本

愛姐穿上傳統韓國民族服，梳起髮髻淡妝示人，並戴上八位數字珠寶，艷光四射！她透過翻譯受訪，問及有沒有收藏珠寶，她說：「唔係好多，我比較鍾意casual款式，例如老公送嘅婚戒同珍珠我都鍾意！」一直有指她將接拍《大長今2》，她承認有很多人追問她，但拍劇要配合導演、故事、內容及音樂等，又或是等待更佳的劇本出現，因此不會接拍了，而另一個重要的原因就是要照顧小朋友，直言遲婚的她對小朋友要更多愛心！

左起：卡地亞區域行政總裁（北亞洲）陸慧全與李英愛及卡地亞行政總裁（香港及澳門）Arnaud Carrez（右）喜相逢。

邱子傑夫婦盛裝出席。

身穿黑色低胸喱士連身裙的子淇大騷三吋事業線，十分性感，她大讚愛姐漂亮，其母是對方的粉絲：「媽咪叮囑我影相畀佢睇，我睇相都覺得佢好靚好靚，所以都好期待見真人。有機會想同佢交流湊B心得或趣事。」早前夫婿李家誠腳傷，子淇說已康復不少：「佢之前返大陸，有朋友好熱情招呼佢，畀咗啲老虎骨茅台佢飲，唔知係咪有藥材，飲完好番好多，仲有食好多田雞，食完就可以單腳企，不過我唔敢錫佢，因為我好驚青蛙。」

徐子淇（右）、郭晶晶兩位豪門少奶奶，碰頭交流湊仔經。

郭晶晶與老公霍啟剛講乖仔講到眉飛色舞。

晶晶想追女

晶晶則與夫婿霍啟剛恩愛出席，否認再懷孕的她說想生個女，他倆談及八個月大的囝囝時一臉興奮，指兒子開始牙牙學語，啟剛搶着說：「想佢叫daddy先，貪心啲！佢今日第一次學我哋爬樓梯，可能遺傳咗媽咪嘅運動天分。」因為不捨兒子，他盡量避免出差。

文：名人組