周麗淇錫馬明ＮＧ八次

藝員馬國明（馬明）及周麗淇（Niki）昨日為無綫新劇《流氓皇帝》開工，Niki身穿藍色旗袍，馬明則先後換上乞兒Look及軍閥造型，Niki透露兩人已拍攝錫臉戲，其中一場更ＮＧ八次，她笑說：「唔明點解收音問題都要ＮＧ，有場講我錫咗佢一啖，佢開心到暈，ＮＧ咗八次，不過呢啲對佢係碎料啦！」她又透露對白頗三級，似周星馳式古裝笑片，若之後覺得過火會再配音，但Niki認為很有喜劇效果。問到男友徐正曦會否來探班？她說：「唔知，做嘢為主，佢鍾意啦！」馬國明則笑言經常ＮＧ全靠工作人員「幫手」，拍錫臉後覺得好冧！