傅嘉莉唔亂收戒指

模特兒傅嘉莉（Kelly）、Ana R.等前晚出席珠寶活動，Kelly透露有儲珠寶的習慣：「可以當投資同保值，最貴嗰件6位數字。我都期待結婚嗰陣戴住有意思嘅首飾，將來亦會留畀子女。」不過，她絕不接受追求者送上的戒指：「戒指太大意義，如果我肯收，即係代表落實o架啦。（有冇拒絕過收戒指？）最少3隻！可能男仔真係當送禮物，但佢哋唔明女仔心態。我細個收過戒指，但後來發覺太大意義，所以回番畀個男仔，都幾尷尬，此後都唔敢亂收戒指。」