Cara G.餵奶報平安

Cara G.前日榮升媽咪，誕下3.6kg的女兒India Wilde，卻一度留在深切治療部（ICU），情況令人擔心。新手爸爸Jesper昨早約11時半與特地來港照顧女兒的Cara母親到醫院探望Cara母女後，大讚BB好靚女，Cara則很堅強，他說：「我3日都無瞓，今次係我人生最amazing嘅經歷，難以形容做爹哋嘅心情。我哋認為自然分娩對BB係最好，所以Cara堅持經歷晒整個生產過程，為佢驕傲！」他又透露BB出生一刻，二人也開心到喊：「BB係最好嘅禮物，（點獎勵太太？）準備好神秘禮物畀Cara。」

驚見肺部有液體

Jesper解釋BB出世時被發現肺部有液體，醫生擔心BB有呼吸方面的問題，故安排BB入住ICU，由專人照顧及觀察，幸最終醫生指BB並無大礙，囡囡昨午已離開ICU。Jesper又透露Cara已開始餵人奶，大讚老婆是Super媽咪。二人下午約1時半離開後，下午約6時再買雲吞麵外賣到醫院，Jesper透露Cara吃下朱古力及雲吞麵，似乎Cara胃口不錯。

Cara昨抱囡囡在懷中，表情滿足。（黑白圖片）

Jesper抱住囡囡，一副冧樣。

鼻高高美人胚子

拒絕受訪的Cara昨晚在Instagram上載抱女冧樣，雖未有公開BB正面，但從側面看BB鼻子高高，手臂長長，露出香肩的Cara，似乎剛餵完奶，更寫上：「經歷了37小時的艱辛，小天使終於誕生。」還大讚囡囡完美，母愛滿瀉；相隔兩小時後，又上載Jesper的抱女照，留言：「這是我見過最美麗的畫面。」之後又上載正餵奶的照片，認真大膽。

婦科醫生余啟文表示初生嬰兒肺部有液體有幾種可能性：「可能吸咗胎水、胎糞，又或者肺部功能唔夠強，去ICU都係check嚴唔嚴重，如果冇其他併發症，應該都冇事。」

文：名人組