杏兒晒「戀情」秋生笑百厭
黃秋生昨日為自己主持的節目錄影，嘉賓卻忽然換了做胡杏兒，在沒心理準備下，秋生搞笑指自己只會低頭密密吃。談到胡杏兒「公布戀情」與全世界開玩笑，秋生謂：「咁百厭？幾有童心，但要睇承唔承受得起後果。」
黃秋生與黎芷珊主持的清談節目《燭光晚餐》昨錄影，嘉賓為胡杏兒及穿透視裝的Mandy Lieu，秋生甫到場即指「貨不對辦」，他受訪時說：「唔知有杏兒，因為通知咗係顏卓靈。冇諗到問乜，唔識問惟有低頭食嘢。」談到杏兒與李思捷「公布戀情」整蠱全世界，秋生原來不知情：「咁百厭？幾有童心，做呢行要咁，演戲嘅梗係想呃到人。不過有時開玩笑要睇吓你同人有幾熟，承唔承受得起後果。」
唔驚狼來了
杏兒否認自己執二攤：「黎芷珊一直有同我度期。（秋生話你百厭。）以後唔百厭，我冇陰謀或報復，亦唔係博頭條。」問是否思捷出的主意？杏兒默認謂：「我做人太認真，如果有80歲命都只係得2萬9千幾日，咪玩吓囉，嗰日搭地鐵諗出嚟。（唔驚『狼來了』？）唔會，如果拍拖會拖出嚟開記招。」對於有傳被思捷追求了三個月，杏兒說：「佢唔係溝女王，係好人，大家係好朋友，我唔係佢心目中嗰杯茶，冇追我三個月。（思捷舊愛王宝宝拖異性報復。）任何故事引申落去，都一定有新角色，我識嘅王宝宝好nice。」
文：影視組