陳茵媺抱仔當運動
媽媽級藝人陳茵媺（Aimee）昨晚於香港大球場出席「國泰航空/滙豐香港國際七人欖球賽2014」倒數活動，與香港隊成員齊做熱身運動。Aimee表示生仔後冇時間運動，但經常抱着14磅重的囝囝行上行落而「運動量充足」，迅速修身重拾生產前身段。
仍處於康復期的她希望能在年中重拾工作，問到「升呢」為人妻拍劇會否避忌，Aimee表示：「老公（陳豪）係同行，佢會明白。」而囝囝Aiden至今仍未有中文名，力求完美的Aimee笑言：「覺得中文名對佢好重要，好多選擇同因素，曾經諗過不如問佢自己想叫咩名，但佢只識嘰嘰咕咕，唔通叫佢『陳咕咕』咩！」