Mandy低胸唔准掂
名模Mandy Lieu和馬德鐘夫婦等昨出席家具活動，Mandy為活動上的何國鉦時裝騷任模特兒，演繹兩套性感服裝，問她會否穿低胸裝約會男士？她說：「愈鍾意愈高！保持神秘感，慢慢先愈嚟愈低。（唔驚男仔淨係貪戀你身材？）我身材係畀佢欣賞，唔可以碰。」
馬德鐘與太太張筱蘭被問到有指他們花500萬豪裝家居，馬德鐘說家中最貴是大床，最緊要舒服，問大床如此舒服，會否多了時間回家睡覺？他說：「唔使做嘢梗係返屋企。（你算唔算黐家？）都算，休閒時就會喺屋企。」問會否為裝修與太太爭執？他坦言無可避免，所以最好由一人決定。
