李雨陽鑽研彈牙雞胸
先後被本報踢爆跟宅男女神陳靜（Dada）相戀及與組合Super Gear成員Milky激吻的藝人李雨陽，回復單身後dry爆愛上「叫雞」！原來雨陽平日出街最愛吃雞，最近周中師傅向雨陽介紹了一款冰鮮雞，他試過後其味無窮，便廣邀親友到其家試菜兼晒廚藝，結果大獲好評，他自豪稱：「平時冰鮮雞個雞胸位會霉嘅，但呢隻雞煮完個雞胸就好有咬口！」
雨陽自言平日甚少入廚，但這隻雞白烚也很好吃，只需浸水一小時後白烚即可，他笑言：「連啲湯都好有雞味。」問他是否因廚藝不精才選擇白烚？雨陽否認謂：「愈簡單嘅嘢係最難煮嘅！我鍾意原汁原味！白烚先食到雞嘅鮮味呀。」