胡杏兒有人追 電話傳情

胡杏兒昨日為英皇珠寶「翡翠廊」開幕活動擔任嘉賓，並以白色貼身露背晚裝演繹價值港幣5000萬的翡翠鑽飾，同時亦勁晒她的fit爆身材。而身為英皇鐘錶珠寶董事總經理的楊諾思亦親自監場，並先後戴上價值港幣800萬及2200萬的翡翠鑽飾作示範。當杏兒知道所戴珠寶如此貴重，即表示：「真係要小心啲。」問到她可有節食來穿這套晚裝？她說：「呢輪拍劇辛苦，唔使節食都唔係點長肉。」她又透露她的契媽說會留翡翠鑽飾給她做嫁妝，她說：「都唔知幾時嫁，幫我宣揚出去我有呢啲嫁妝啦。」

高大靚仔圈外人

目前仍是單身的她坦言有人追求，但就沒有時間拍拖，對方是圈外人，她說：「都限於電話上嘅溝通。（香港定內地人？）總之人一個，係地球人唔係外星人。（喺香港可以見面？）好忙，我連屋企人都見唔到。（朋友介紹？）嗰類啦。（咁你今個農曆新年咪唔lonely囉？）唔lonely係有時間陪屋企人同埋同啲女性朋友去旅行。（同埋個追求者一齊去？）唔知，齋電話會有多啲幻想，唔想幻想破滅。（高大靚仔？）OK啦。」對於舊愛黃宗澤被指搭上圈外女生，她說：「唔回應喇，講咩都唔啱，已經分開咗，總之祝福佢。」

眾人齊舉杯慶祝新店開幕。

胡杏兒演繹價值港幣5000萬的翡翠鑽飾，楊諾思亦同樣戴上貴價翡翠上陣。

楊諾思囝囝拍拖

另外，楊諾思就透露現年19歲的囝囝有拍拖，她亦見過其女友，她說：「個女仔係外國人，講流利普通話，喺耶魯大學讀書，對囝囝都有好嘅影響。（唔介意新抱係外國人？）都希望係中國人，但係如果個仔鍾意都唔介意。」

文﹕名人組