渡海濠情:旅行準備 疲於奔命

長假將至,有冇打算出外玩番幾日呢?有咁打算嘅朋友就要注意啦!因為英國有份調查指出,如果出國旅遊六日,要花十六日去準備,更有五分一夫妻會因此而吵架,而嚟自大富豪桑拿嘅歐陽就話,佢每逢要出國就頭痛啦!

安撫男友

歐陽話:「我都有為行程傷腦筋,但呢啲問題有錢就可以解決,只要事前同旅行社溝通清楚,已經唔使擔心,最麻煩嘅反而係離開成個星期,點同其他男朋友交代呢?好似我咁,呢排就要開始安撫佢哋,過時過節陪唔到佢哋,你唔諗定藉口,佢哋一定唔會輕易放過你;除咗交代,仲要交人呢!臨走前唔滿足晒佢哋嘅慾望,返到嚟我睇個個作晒反都似,所以出發前呢十日八日我真係疲於奔命,心力交瘁呀!」

撞埋一齊

擔唔擔心個個男朋友同一時間走嚟送機呢?歐陽話:「曾經有一次差啲撞到正,當日有個男友負責送我去機場,點知又有個癡情男友自己走嚟送機,兩個差啲就喺機場相遇,好彩我叫佢哋一個幫我排隊登記,一個陪我食早餐,至於同我一齊去嗰個男友,就叫佢先入閘等,如果唔係就大件事,所以自此之後,我邊日出發去旅行,就再唔話畀啲男友聽或者索性報後一日,等佢哋撲到去,我都飛鬼咗。所以話去一次旅行,事前準備工夫真係又多又麻煩!」

歐陽Profile

年齡:22歲

三圍:33-24-34

撰文:小德 

攝影:阿昌