伍允龍靠霆鋒信心返嚟
功夫影星伍允龍首次擔正電影，獲好友謝霆鋒、安志杰力撐，身為伍允龍徒弟的霆鋒在紀錄片中大談兩人半夜練功的趣事，甘願做沙包幫師傅提升自信，導演王晶則讚伍允龍有甄子丹的影子！
鍾嘉欣緋聞男友伍允龍在影圈打滾十年，出色武藝備受讚賞，他首次擔正電影《惡戰》今日上映，獲圈中好友力撐，昨日一段有關伍允龍的紀錄片曝光，霆鋒、安志杰、吳建豪、武術指導袁和平大談對伍允龍的看法。
吊威吔險勒死
霆鋒表示兩人因拍詠春劇成為好友，其後拜他為師學詠春，讚他教功夫時很仔細，但從前在片場欠缺信心，他說：「我帶佢見多啲導演，喺現場對打多啲，畀人睇到佢揪贏霆鋒幾條街喎！幫佢提升自信。」兩人又談到半夜練功的趣事，伍允龍形容「兩條麻甩佬」只穿上孖煙囪練步法，因太嘈吵引來鄰居拍門，惟當時霆鋒搞笑地扮不知情，反嚇該名鄰居：「我話『沒有呀！你聽到甚麼聲音嗎？』擺明我哋係打交，又或者做曖昧嘢啦！之後我哋繼續練，個鄰居應該搬喇！」
而自幼習武的伍允龍，父母在美國開武館，更獲王晶讚他有「宇宙最強」甄子丹的影子：「佢每日開門接受唔同人挑戰踢館，實戰經驗一定夠，唔係個個演員可以打到咁拳拳到肉。」曾參與荷里活電影的袁和平擔任《惡》片動作導演，亦讚伍允龍動作高水準。
伍允龍當年掛着碩士銜頭闖港，加上學生逾千，自信滿滿，豈料入行初時飽歷辛酸，做吳建豪替身險被威吔勒死，又被指「奀星」而感氣餒，幸得王晶激勵他要做「大星」，令他繼續奮發：「到今日終於做主角，覺得呢十年係有價值。」
文：影視組