娜姐唔諗香港樓 投資瓦努阿圖

連詩雅盼幫助年輕人

「相信增加土地供應係有用，自己都儲緊首期，想盡快有自己嘅物業，希望政策可以幫助我哋啲年輕人盡快置業。」

陳敏之目前樓價太貴

「其實我一早已經買咗樓，不過都想買多層樓畀媽咪或自己收租，呢個係願望，不過相信短期內都不能成事，因為樓價實在太貴。」

郭穎兒計劃再做業主

「之前買過樓，都賺咗少少，不過依家買唔番喇！增加房屋供應係好事，希望樓價可以回一回，依家努力賺錢，5年內再買樓！」

周秀娜海外更有潛力

「一直都想喺香港買樓，成日話香港唔夠屋住，今次特首話更改土地用途建房屋似乎係好事，不過要有完善配套，起碼要解決交通同食嘅問題！唉！未來幾年都未必買到樓，考慮一下海外置業比較實際，瓦努阿圖可以一諗，咁多人想去，話唔定有升值潛力！」

陳嘉佳穩陣睇定個勢

「其實就算增加土地興建住宅，唔代表樓價會跌，都係睇定個形勢，估計買樓唔係呢一兩年會做嘅事。」

吳若希住公屋感受深

「希望政府小心選擇土地，如果係揀郊野公園起樓就唔支持，香港住屋係一個問題，冇殼嘅蝸牛，冇固定居所好淒涼，希望政府做一啲嘢幫年輕人上樓，提供多少少居屋，控制炒賣。以前喺公屋長大，明白低下階層嘅情況。」