黎瑞恩鬧婚變 老爺勸低調

黎瑞恩於2002年下嫁金利來三少曾智明，並於2003及2005年為曾家誕下一女一子添個「好」字，近日被傳曾智明有個內地「密友」，令兩夫妻鬧婚變，據知，兩人感情於兩年前出現問題，雖然兩人已努力挽救婚姻，但卻愈鬧愈僵，由於曾智明在內地做生意，甚少返九龍塘大宅，但每次返港，小恩子就避開另覓地方暫住，待老公離開才返回大宅。

曾智明唔想講家事

據可靠消息指，小恩子與曾智明的關係去到冇彎轉地步，加上半年前認識一位可以傾心事的「知心好友」，更向朋友訴苦，指與老公感情出現問題，期間有人曾經提出過離婚，不過到目前兩人未動筆簽紙。小恩子的老爺前全國人大常委曾憲梓曾干預兩人離婚一事，希望她們好頭好尾低調處理。就婚變事件分別致電兩位當事人，小恩子透過WhatsApp說：「多謝關心，冇嘢回應。」而曾智明則說：「家家有本難唸的經，有關家事唔想多講。（係咪有個密友？）我唔係娛樂圈中人，冇需要同冇準備講私人生活。」對於其他傳聞，曾智明表示不再回應。

曾憲梓對兒子曾智明與媳婦鬧婚變，希望兩人低調處理。

小恩子傳出婚變消息後，記者守候其九龍塘大宅，未見夫婦倆蹤影。

早前為小恩子舉行演唱會的馬天尼娛樂老闆孫敬安說：「開騷時唔見佢有異樣，聽到消息好擔心，會打去問吓，我同佢兩公婆識咗十幾年，睇住佢哋拍拖。」並透露小恩子開騷時曾智明曾購下二百張門票送給慈善機構，他說：「小恩子老爺都好好，第一晚都有嚟捧場。」

湯寶如	羅敏莊（左）表示會支持小恩子的任何決定。

羅敏莊撐姊妹堅強

身為小恩子好姊妹的羅敏莊大讚對方是個堅強女子，問到是否婚變？羅敏莊不置可否說：「呢啲留番問佢，身為朋友會支持佢。（有冇見佢老公？）唔熟，唔係成日見。」而湯寶如坦言不知好姊妹鬧婚變，問到會否擔心對方？湯記說：「相信佢咁大個人識自己處理。」

文：音樂組