黃智雯西環大擦法菜
民以食為天，別看黃智雯嬌滴滴，實情對食相當有研究，經常相約好友四圍覓食，最近她便發掘到西環一個好地方，既可以帶同愛犬耍樂，又可以一同共享美食，該地段西餐廳林立，但未有如蘇豪區般熱鬧，適合三五知己共聚吹吹水。
智雯表示該餐廳主打法國菜，她更大擦牛扒及火腿，令她相當回味！她說：「平時我唔係幾鍾意食法國菜，一食食幾個鐘，但呢度又唔係，好似平時啲西餐廳咁，牛扒好有肉汁，Grill得好好，完全唔遜色得過正宗扒房o架！最重要係配菜都做得好好，我最鍾意嘅薯條好脆口，另外就試咗個火腿配菇，平時見人哋火腿襯哈蜜瓜，原來咁樣配搭都幾好味喎！火腿又juicy，yummy！」
