區瑞強下月底開騷阿倫志偉sing援
「民歌王子」區瑞強（Albert）和陳明恩昨日一同到荃灣出席環保活動，以民歌唱出環保訊息，又和台下小朋友大玩遊戲。
老中青歌手撐場
Albert透露正積極籌備下月尾假伊館舉行一連三場的《區瑞強好友情演唱會2013》：「係為慶祝音樂農莊今年成立25周年，已經請咗十幾位好朋友做嘉賓，有譚詠麟（阿倫）、曾志偉、呂方、黎瑞恩等等，林峯都會嚟，老中青齊晒，總之晚晚都會有四、五位嘉賓，好似Party咁！」他笑言反應太熱烈令他十分頭痛：「好多朋友問我仲有冇飛，VIP飛真係唔夠，頭都赤埋，不過係開心嘅煩惱嚟嘅！」
Albert又開心表示音樂農莊的入場人數已達200萬人次，但不會考慮擴充地方：「呢個問題15年前已經諗過，但唔想搞太大喇，主要係塊地嘅問題。同埋我覺得Concept夠好嘅話，地方唔需要好大，亦唔使用好多錢，我哋連屋都係自己起嘅！」
陳明恩處女演唱
同場的陳明恩則表示正為大碟錄音，其中兩首歌曲更由她包辦曲詞，並將於十月舉行首個演唱會。提到不少演員投訴在無綫電視拍劇要直踩幾十小時，她說：「拍劇係咁o架啦，我都試過踩五日四夜，化妝時先有得瞓吓。」
文：音樂組