秋生破例謝票包場益阿媽
黃秋生昨日到旺角，為主演的新片《葉問－終極一戰》謝票，電影上映三天，票房衝破三百萬，成為華語片冠軍，令揚言從來不謝票的秋生也破例，親身答謝觀眾對香港電影的支持，又希望包場請母親觀賞。
秋生昨日現身旺角UA朗豪坊，為國藝影視、英皇電影聯合投資的《葉問－終極一戰》謝票，電影公司表示剛過去的周四及周五，《葉》錄得194萬港元票房，估計連同昨天的票房已衝破三百萬，成為同期華語片冠軍，電影公司已經決定下周慶功。
讚台前幕後
秋生打頭陣親自落旺角向購票入場的觀眾謝票，他說：「無論香港定邊度都好，我從來唔謝票，但為咗多謝觀眾入場支持香港電影，今日專登嚟。入場感受氣氛好重要，好似自己喺屋企煮飯都得o架，但去餐廳食，氣氛唔同啲！呢套戲嘅台前幕後拍得辛苦，美術、劇本、導演都用咗好多心機。」
兒子讚OK
問到家人有否捧場，秋生坦言：「大仔、細仔都睇咗，話『ＯＫ』，依家啲後生講嘢係講單字o架咋！反而我想遲啲包場，推阿媽（黃媽媽曾中風要以輪椅代步）去睇。以前我拍拍埋埋幾百部戲，有啲太恐怖，係爛得太恐怖，都唔想佢睇。但呢套我好想佢睇。」
文：影視組