高志森與張國榮曾合作過不少電影，但多年來一直有傳聞指二人曾鬧不和。有傳1994年高志森欲邀請當時簽約黃百鳴旗下的張國榮拍攝電影不果，有人公開了酬勞數目有差異的支票而令哥哥不滿。
昨日記者向高志森問及此一傳聞，他說：「來說是非者，哥哥離開咗我哋咁多年，點解仲有人撩事鬥非？哥哥1998年仲拍我執導部電影《九星報喜》，大家喺南沙拍咗兩個月，係好朋友。佢仲放風畀我知，話陳寶珠有意復出叫我搵佢，結果我1999年就同陳寶珠合作咗舞台劇《劍雪浮生》。」
