毛毛訪問摯友一蚊拍片救市
張國榮（哥哥）生前有個電影夢，2001年他接受舊愛毛舜筠（毛毛）訪問就大談自己的電影理念。哥哥認為當時本港影壇缺乏創意，只會一窩蜂拍愛情、搞笑及黑社會片，觀眾選擇少，換了是他拿幾十元睇場戲，寧願睇外語片。
對於部分片酬高的演員佔去電影不少製作費，哥哥認為他們有外埠市場，片酬高可理解，他自覺片酬合理。原來在電影市道低迷時，哥哥以$1接拍張之亮執導的《流星語》，希望振興市道，他說：「當時好多個攞過金像獎嘅導演成立咗『創意聯盟』望拍啲好戲，張之亮嚟搵我，問我可唔可以收順啲……我覺得佢哋個個有私心，既然話得係『聯盟』，應該齊心做一件事，但最後各有各拍。」結果當年主演的電影票房動輒過千萬的哥哥，《流》片卻只得二百多萬票房而「破紀錄」，事後哥哥說如有人再找他零片酬拍戲，他會有保留。談到電影獎項，哥哥直言恨獎：「唔一定康城或奧斯卡，香港電影金像獎我都恨。」