基仔遺憾未能親謝哥哥
歌手古巨基昨日為紀念一代巨星張國榮（哥哥）音樂會綵排，主持出身的基仔透露轉戰樂壇時，從雜誌及電台節目得悉哥哥曾開腔以「最睇好古巨基」作鼓勵，由於一直未能當面親口答謝哥哥，基仔坦言是個遺憾！
哥迷今晚聚紅館
古巨基、陳慧琳（Kelly）、張智霖、張敬軒、草蜢等歌手昨日先後為今晚於紅館舉行紀念哥哥的「繼續寵愛．十年．音樂會」綵排，據知舞台以紅色布置。
昨日全黑look的基仔受訪時表現沉重，問他是否心情仍未平復？基仔說：「係。」隨即表示有個遺憾，他說：「好遺憾當我做歌手時，喺雜誌同電台節目中知道哥哥話最睇好古巨基，但可惜之後一直冇機會親口多謝哥哥。」問到騷上會否答謝番哥哥？基仔說：「呢個騷唔適合做自己嘢，放喺心啦。」
Kelly唱經典快歌
Kelly將獻唱哥哥的經典快歌，問到擔不擔心演出時感觸落淚？Kelly說：「唔驚，唱哥哥經典歌唔係想勾起大家傷感，反而係紀念佢。」並透露找來兩位設計師奚仲文及陳華國為她設計80年代男子look，問到會否感壓力？Kelly說：「冇，反而要養好把聲。」而張智霖則透露將與周慧敏合唱《當愛已成往事》，之後會獨唱《追》及《今生今世》。
軒仔透露會以哥哥80年代的電視劇的造型亮相，問到模仿哥哥會否感困難？軒仔說：「好難，自己未試過一個人跳舞。」出道多年的軒仔坦言未見過哥哥真人，他說：「今次係以歌迷身份出席。」草蜢成員蔡一智透露音樂會主題是按時間倒數，他說：「我哋代表最早階段嘅哥哥。」
文：音樂組