祖兒畀人圍3分鐘快閃
天后容祖兒（Joey）日前秘密潛行尖沙咀，為聖誕倒數活動拍攝宣傳照，甫現身即引來近百粉絲圍觀，有小朋友更高呼她的名字，Joey笑言要做「快閃黨」！
每年聖誕倒數活動都是全城盛事，今年天后容祖兒（Joey）應海港城邀請，將率領師妹泳兒與師弟羅力威擔任《容祖兒加大力度玩轉廣東道聖誕Street Party》的嘉賓。日前Joey秘密地到廣東道拍攝宣傳照，身穿桃紅裙子的Joey坐在開蓬跑車上，旋即成為焦點，市民從四面八方湧出，並拎出相機拍攝Joey，有小朋友更高呼Joey名字。
渴望聖誕萬人狂歡
為了拍攝而在廣東道來回遊車河的Joey坦言：「好犀利呀！廣東道真係好多人同車，短短嘅路程竟然用咗十幾分鐘先到。為咗畀攝影師可以順利拍攝，我哋要慢駛嚟配合，而我亦要企起身做出不同動作，好緊張之餘，見到咁多途人又好開心。」
早前曾表示渴望收到聖誕樹作為聖誕禮物的Joey，更即興落車到聖誕布置前拍照，但為怕人流太多，拍攝時間只極速花了三分鐘，Joey笑言成了快閃黨：「真係未試過咁快影完一輯相，到達時明明身後得十幾人，一轉身已近百人圍觀，真係好壯觀！」她更坦言期待平安夜來臨，渴望與過萬人一齊歡度聖誕：「平日熙來攘往嘅廣東道竟可變做我們嘅舞台，仲可以與台下逾萬觀眾一齊玩。」問到聖誕節願望，Joey表示：「想喺封咗路嘅廣東道大玩人浪同大合唱，情景一定好震撼！」
文：專案組