千嬅變喊包老公鬧黐線
楊千嬅昨日為「第七屆愛心獎」任頒獎嘉賓，當她分享一貧苦家庭的故事時，竟淚灑台上！及後大會派一名小朋友送她啤啤熊時，才氹得千嬅笑番。
千嬅受訪時自嘲：「呢排唔知做咩嘢，唔知係咪啲賀爾蒙未調整好呢，一見到啲慘嘢就好易喊！早兩日我睇電視睇到喊，老公都鬧我黐線！」問她可會患上產後抑鬱，她笑言：「我做過護士識點處理，仲同老公講定，話我生完頭一個月會好癲，你見我唔對路啊、喊晒咁就要點醒我，總之有溝通就冇問題o架喇！」
千嬅又表示會盡快在新年前清掉廣告債和商場騷：「第一年帶個仔見長輩，唔可以去漏啊！」