宋熙年至愛食平嘢
娛樂圈做新人「萬事起頭難」，金錢往往都是新人最煩惱的問題。國際中華小姐冠軍宋熙年（Sarah）入行四年，離鄉別井的她到香港發展，自言不用養家的她經濟上暫時沒有問題：「我拎咗國際中華小姐冠軍後，TVB頭兩年會租屋畀我哋呢啲海外佳麗，所以我住嗰方面都可以慳一筆，加上父母都唔需要我寄錢返去，所以我都覺得自己好幸運。」
做藝人要顧及形象，連帶可能光顧平民餐廳也會得到負面新聞，不過Sarah表示回港後最愛到旺角買街頭小食，假使有一天被傳媒拍到的話她亦不會介意：「平嘢都好好食o架，如果有一日畀人影到我唔會介意，我仲覺得好開心添，節儉係一種美德吖嘛！」