周柏豪戴手銬如廁遭整蠱
月前周柏豪在網上發表的一篇文章被網民群起攻擊，其新歌《斬立決》立刻以「網上欺凌」為題。日前柏豪為歌曲拍攝MV，貫徹其黑色風格，用上防毒面具和手銬營造沉重的感覺。即使MV女主角是個身材高挑的靚女模特兒，柏豪亦無福消受，他笑言：「以為公司咁益我搵個靚女，點知原來成個MV佢都戴住面罩，莫講親熱鏡頭，我連佢個樣都睇唔清楚！」
柏豪亦要戴上手銬拍攝，每次更要勞煩同事幫忙開鎖。有次他想去洗手間，豈料發現鎖匙不見了，全場遍尋不獲，急得他拉着髮型師一起上廁所，此時化妝師才拿出收起的鎖匙，柏豪慘被大整蠱！