渡海濠情：憶述放榜夜 囡囡叫你咪心邪
文憑試明天放榜，考生呢段時間嘅心情一定忐忑不安，十五十六，而放榜前夕例必約埋成班同學仔見面，一來互相鼓勵一下，二來體驗最後嘅中學生活。嚟自極品桑拿嘅靚女技師子欣，話自己當年放榜前嗰晚，比失豬夜仲深刻。
人生大計
子欣話：「我隻豬喺未放榜前，早就失咗，而且個男仔早就分開咗，所以一啲印象都冇，反而我高中放榜嗰晚，同幾個同學喺埋一齊，印象不知幾咁深刻。」唔通你哋嗰晚大混戰？子欣即時一拳打埋嚟：「我哋嗰晚不知幾正經，由於大家以後要各散東西，所以都好唔捨得，我哋盡訴心中情，大談未來人生大計。」咁好悶啫！有冇爆啲嘅料呀？子欣話：「當晚有兩個男仔向我表白，都話好鍾意我，有個話升唔到學就出嚟做嘢，兩年之後就同我結婚，有個話一升到大學就同我結婚。」
天意弄人
咁你咪好唔得閒？子欣話：「係呀，第二日自己考成點都唔理得咁多，心裏面只想住佢哋嘅成績，點知諗住升唔到學嘅，就畀佢考咗入大學，諗住考到入大學嘅，就啱啱唔夠分入唔到。」咁真係天意弄人！最後又點呀？子欣話：「兩個最後都冇同我結婚，好彩嗰年我成績都幾好，後嚟考咗入去讀商業秘書科，所以我係合資格嘅女秘書嚟o架！」呢層唔使講，單係睇子欣嘅可愛樣子同埋驕人身材，就知道佢一定係個最佳女秘書人選，畀我做老闆一定會搵佢做小三，唔係，係貼身女秘書至真！
子欣Profile
年齡：20歲
三圍：34-23-35
撰文：小德
攝影：章