周秀娜收五百支玫瑰冧爆
周秀娜（娜姐）前晚到電視城出席錄影節目，晒長腿兼透視玉背上陣，輕易成為全場性感之最，稍露疲態的娜姐指剛從上海宣傳回港，更透露於當地收到甜蜜驚喜：「我早排生日都冇乜時間慶祝，喺上海收到500支紅玫瑰，我一開酒店房門都嚇咗一嚇！（男友送？）佢連我住邊間酒店都唔知，係一個男性朋友，（富二代？）工作時認識嘅，做朋友都唔使理人有冇錢！」
同時她又直言為收花感到開心，問到她有否於玫瑰花海中尋找有否鑽戒等貴重禮物？她即隔空向男友放話：「都冇人送畀我，自己努力搵錢睇吓買唔買到啦！（話畀男友知？）冇喎，生日都未同佢食飯。」
