魔術師甄澤權（Louis）昨日到旺角與半百粉絲慶祝33歲生日，他說：「生日願望少啲是非，做好啲魔術，搵錢買樓！夢想買house，之前儲咗啲錢，但依家啲樓太貴，距離目標仍然有距離。（買樓為結婚？）都有諗過，到時一定會公布。」
他又笑言想向吳若希請教，他說：「佢成日睇樓，有機會都要請教吓佢有乜心得先。（搵佢教你投資？）我都係相信自己實力多過投機。（想再拍無綫節目爭取曝光？）我之前都係約每年一輯，今年做咗，2016年先，依家儲錢同儲橋先！」
