莊思敏自誇捱得恨到山區探訪

藝人莊思敏（Jacquelin）昨日出席樂施會活動，稱向來有捐贈舊物資的習慣，並揚言恨到偏遠地區探訪。問到她是否捱得？她信心十足地謂：「我好捱得，可以唔化妝同唔沖涼，只要冇靚仔就得，唔可以有靚仔同行。（唔怕去到會喊？）我都眼淺，但會盡量忍住。」此外，Jacquelin又透露將到澳門參加賽車，笑言要大家祝她好運及平安歸來：「我好忙，冇時間練車，身邊朋友同賽車師傅都好擔心我。因為澳門賽車場好危險，尤其有咁多冇經驗嘅車手落場就更加危險，我會慢慢揸車，完成當贏。」