連詩雅借醉 肉搏關楚耀
玉女歌手連詩雅（Shiga）被爆與前男友曲赤的陳年舌戰相後，純情形象受到質疑，Shiga把心一橫，在新戲豁出去與男主角關楚耀（Kelvin）上演連場肉搏咀戲及被摷胸鏡頭，她的投入似乎想向「慾女」路線進發。
Shiga本以乖女形象戰樂壇，奈何她月前慘被揭16歲時與Rap友曲赤拍下大膽慾照，又愛流連夜店，純情形象受挫。Shiga昨在電話中坦言慾照事件曾對她造成心理障礙，最後在錢國偉的心理輔導下，成功將心理包袱拋開，與Kelvin在《喜愛夜蒲2》中拍肉搏床戲及沖涼被摷胸等演出。
身心都有反應
在《喜2》三場激烈情慾戲中，以Shiga濕身被Kelvin伸手入衫內摷胸之鏡頭最為激情，Shiga稱演出時頗為尷尬：「摷胸鏡頭其實係就位，我着咗比堅尼打底，當時我哋飲咗兩支白酒加音樂催情，花咗五個鐘先完成呢幕戲！」
據知事後Kelvin亦拍到頭暈，而Shiga則醉到不省人事，她說：「完事後我仲喺片場瞓咗大半個鐘先回復清醒。」Kelvin事後更謂：「我係掂到佢胸部，但屁股就真係有揸落去，（感覺點？）我仲回味緊！我係正常男人，身、心都有反應嘅！所以拍嘅時候都有少少愛上佢！」
似夏文汐舊作
至於戲中另一場Shiga與Kelvin在電車上造愛場面，大有1982年經典電影《烈火青春》夏文汐和湯鎮業在電車上情挑之影子，導演錢國偉坦言因與監製伍健雄對《烈》片很有情意結，故拍這幕同類戲份是向《烈》致敬的。
問到夏文汐，她坦言當年拍第一部戲自己傻更更：「我都唔知咩叫演戲，都冇諗到出嚟效果可以成為話題，而當年副導演關錦鵬更提我着三條內褲，怕我走光喎。」
文：影視組