張曼玉５年情玩完 筋骨暴現
【林淑汶北京直擊】現年47歲的張曼玉（Maggie）與年輕7載的德國籍建築師男友Ole Scheeren的5年情告終，昨日瘦到手筋頸筋及胸骨暴現的Maggie，在北京強忍情傷承認與男友因長期分隔異地導致情轉淡，終和平分手break一break。
曾與法籍導演奧利華阿薩耶斯結婚並離婚的Maggie，於2007年戀上Ole，兩人更發展到見家長關係，惜最終敵不過分隔兩地而令戀情告終。昨日Maggie獨自現身北京萬寶龍摩納哥格蕾絲王妃系列盛大發布會，反而長居北京的Ole卻不見蹤影，其實兩人已有一年無結伴出席活動，最近一次兩人同時現身是今年初在港拍拖行山。
愈來愈瘦的Maggie，穿起豹紋連身裙加外套，手筋和頸筋及胸骨暴現，但她卻否認暴瘦，甫到場時表現輕鬆，不時展露笑容，並向記者揮手，表現調皮一面，不過當被問到佩戴以皇室愛情故事為主題的珠寶可會令自己的愛情更精彩時，Maggie突然收起笑容，一面感觸說：「如果咁簡單就好啦，每個女仔都鍾意美麗的事。（期待更多愛情在你身上發生？）無一個女生係唔想同一個人相愛囉！」
未想接受男士追求
記者問她工作如此忙，會否令有意向她追求的男士止步，她尷尬地笑沒有回答，當記者直問盛傳她已與Ole分手，此時Maggie表現愕然，想了一會終無奈承認：「我依家係單身，（幾耐嘅事？）呢幾個月嘅事，呢一兩年自己好少喺北京，但北京以外好多事想做，大家各有各忙，以前男朋友又一定要喺北京做嘢，好難成日一齊，我地傾過決定break一break，我有好多自己嘅嘢做，除咗事業，仲有我家庭喺第二度。」雖然司儀曾暫停記者的訪問，但Maggie大方繼續說：「你哋問到我，我又唔想呃大家，我只係回應一句，唔想好details咁講，總之我哋依家係好朋友。」問到現時單身是否歡迎任何男士追求時，Maggie有所保留說：「唔可以咁講。」似對Ole仍然有所留戀。
當眾落淚情變先兆
而大前日出席活動時，Maggie因看到一些小朋友的悲慘遭遇而忍不住當眾落淚，其實當時經已情變，故一時感觸。不過她透露自己的工作將會繼續，除了出席時尚活動，還會做慈善、影相以及音樂的工作，現在更學剪片，她覺得好劇本要講緣分，但無想過息影，她說：「出席活動可以同你哋傾偈，同喺沙漠飛來飛去打來打去唔一樣，但可以投入一個角色，當中快感唔可以取代，（有冇劇本搵你？）有時會睇，但角色都係悲慘和傷感多，可能大家好深刻我演喊戲，自己想演喜劇，不過無人搵。」