寇鴻萍護女：識朋友啫！
台灣音樂才子周杰倫近日被指背着嫩模女友昆凌，偷搭前港姐寇鴻萍孻女唐貝欣，雖然周董已作出否認，但女方前晚出席活動時就刻意迴避記者，令緋聞更添疑團！
前晚寇鴻萍與兩女兒唐貝詩及唐貝欣一同出席酒吧Club Shake Shake兩周年慶祝活動，剛被拍得與周杰倫一同唱K夜蒲而傳出緋聞的唐貝欣成為全晚焦點。未知是否怕被傳媒追問緋聞，唐貝欣事先聲明不受訪，而其胞姊唐貝詩也陪同妹妹一起拒絕受訪，但就以deep-V露背短裙亮相，性感非常，吸引不少攝影師拍照，看來不想讓妹妹獨攬風頭！
見過面讚有禮貌
兩女匆匆入場，留下母親寇鴻萍代答，問到孻女唐貝欣被周杰倫力追的報道？她即澄清說：「佢哋只係普通朋友，年輕人梗係多朋友！（佢有冇講過周董追佢？）佢冇提，識朋友啫！（會唔會提點個女識朋友？）佢咁大個女有權選擇，佢揀嘅朋友冇問題。」她又謂跟周杰倫見過面，大讚對方好人及有禮貌。
連詩雅間中夜蒲
同場的歌手連詩雅被問到早前被拍得夜蒲，是否喜愛夜蒲？她說：「入行後工作比較忙，但有時都會約吓朋友飲嘢！（之前畀人登夜蒲相？）佢哋係識咗好多年嘅朋友！（會同男仔玩到好癲？）傾偈大聲啲，搭膊頭都會，朋友都知我性格。」而她昨日接受電台訪問，對獲得金像獎最佳新人候選提名，坦言既緊張又興奮。
文：名人組