陳嘉桓自製iPad座

演員陳嘉桓自小被母親灌輸環保知識，自言擅長廢物利用，最近就自創了一個iPad座。嘉桓表示平時在武館練踢板會用剩好多木板，覺得很浪費故將木板帶回家，花點心思便造成這個iPad座，她說：「啲板橫掂拎去丟，我覺得可以物盡其用，我用三支釘將兩塊板釘埋，再用三塊枱腳防刮花膠貼承托部機，咁就完成，我再劃啲圖案落去令佢更加美觀。」嘉桓續說：「平時我都會自備水壺出街，避免浪費膠樽，有時仲會同媽咪交換衫着，唔會着一兩次就唔着咁浪費。」