阿倫組團豪遊享天倫
樂壇校長譚詠麟（阿倫）上月底拉大隊到馬爾代夫旅行，據知同行尚有阿倫的知己Wendy及囝囝曉風、謝賢（四哥）、婷婷兩父女等好友，一行廿多人浩浩蕩蕩組團出發，阿倫等人入住的W度假村在當地屬數一數二。
歎燭光晚餐
連日來阿倫跟婷婷不斷將在馬爾代夫潛水、釣魚、曬日光浴的照片放上微博，但兩人故作神秘，未有透露身在何地，四哥跟婷婷潛水都不離父女兵，兩人在水底手拉手一齊潛，夜間他們還興致勃勃去釣魚。阿倫又上載與四哥、婷婷去歎燭光晚餐的自拍照。
昨午阿倫返抵香港，並獨自推着行李，但身邊就未見Wendy及曉風，問到阿倫去邊度玩？他還詐傻笑說：「新加坡。」十五分鐘後四哥跟婷婷步出機場，兩父女都曬到一身古銅健康膚色，問到婷婷去邊度玩？她笑說：「我啲相都放晒上微博啦，（點解男友唔一齊去？）佢要開工。」之後記者再致電四哥，他表示此行好多人一齊去玩，全部都是老友記，問到阿倫是否一家人同行？他即說：「唔係，佢一個吖嘛，（佢個仔冇去？）我揸緊車，冇呀。」
文：音樂組