Jeana T-back走位 現形搶鏡
昨日o靚模何佩瑜（Jeana）出席電影《起勢搖滾》活動，想不到她收起「不倒胸」依然有辦法出位，上演一幕「紅褲現形記」，她強調絕非真空唔着底，但可能是T-back移位！
樂隊Mr.、Jeana、詩雅、林欣彤、冼色麗及林德信昨到商場宣傳電影《起勢搖滾》，吸引不少粉絲圍觀。形象性感的Jeana收起「不倒胸」密實上陣，但身穿緊身紅褲竟疑似下體現形，認真搶鏡有法！事後她透過電話表示絕非真空，但得知疑似現形時即大感驚訝：「我當緊身褲係Leggings咁着，唔會唔着底褲，有着T-back！（現形？）唔知呀！我都覺得怪，咁多人望我，可能（T-back）歪咗？」
未feel到柏文示愛
而前晚Jeana出席夜店活動時表示剛度過23歲生日，認為去年是事業轉捩點，希望今年有穩定感情，提到曾聲稱與張柏文「就快撻着」，她突轉口風表示只是相識很久的朋友，問到對方有否與她慶祝生日？她說：「成班人一齊食飯。（佢送名牌袋？）係一班朋友夾份送。（對佢有冇好感？）好朋友，佢係nice guy！未feel到佢表白。」她表示經常離港，但抗拒如初戀般搞異地戀。
林欣彤想咀栢芝
在《起》片活動上，林欣彤（Mag）透露會與詩雅及Mr.主音Alan發展三角戀，Mag說：「佢兩個有錫戲，我冇。（公司禁咀？）唔係，睇劇情需要啦！」問到是否睇對手？她即尷尬傻笑，並笑言喜歡女明星，想與張栢芝拍「同性之吻」。至於詩雅表示家中貓咪被搞大個肚，起初曾懷疑愛犬是「經手人」，他說：「原來有隻外來貓公爬入嚟搞佢，屋企比較不設防。（驚有色狼入屋？）我隻大唐狗會保護我。」
文：影視組