千嬅購物成癖 Kelly送BB床
快將為人父的丁子高，透露近日忙與千嬅添置嬰兒用品，又大爆千嬅有購物癖，買BB衫喜歡每個款都買齊多隻顏色，而好友陳慧琳則十分有心，送給他們嬰兒床。
即將榮升父親的丁子高，前晚單拖現身好友范振鋒開設的時裝品牌Mr. WEATHER的活動，同場還有趙碩之、許穎及泳兒等。丁子高透露雖然距離太太楊千嬅的預產期仍有兩個多月，但兩人已經做好一切心理準備。雖然小生命即將來臨，但自己未有太大感覺，相信要到千嬅入院一刻才會緊張。
「一買就幾皮嘢」
丁子高稱大部分的嬰兒用品都添置好，還特別感謝陳慧琳（Kelly）的丈夫劉建浩送出嬰兒床，他說：「張床仔好靚，真係多謝Kelly同佢老公。」丁子高又大呻現時的嬰兒用品相當昂貴，又笑指千嬅喜歡購物：「你知我太太又好鍾意購物，而且BB嘢原來好貴，一買就要幾皮嘢。」
丁子高又大爆千嬅的購物癖好：「佢鍾意每個款都買齊幾隻色，女仔梗係冇所謂啦，但係男仔都唔知點解要咁多色。」至於兒子的名字，丁子高稱暫時未決定中文名，但英文名則希望能以T字開頭，他說：「因為我爸爸屋企人嘅英文名全部都係T字開頭，所以想個仔跟番。」又笑稱因為他的姓氏英文同樣以T字為首，故此連同英文名則變成簡稱TT，他笑說：「咁樣以後簽名就好有型。」
冇時間影大肚相
子高又透露希望跟太太拍攝懷孕照，但可惜一直苦無機會：「佢每個星期都有活動，一係就要整蛋糕，有時間我又想佢休息多啲，而且影相要準備好多嘢，希望盡快有機會啦。」
另外，同場的趙碩之表示近日正跟鄭伊健和蔡卓妍合作新電影，戲中她將飾演一名潛水教練，跟伊健有不少對手戲。她表示：「我第一次同伊健合作，一見到佢就唔記得晒對白，我細個就睇佢戲大。」
文：音樂組