網上熱播監製照捧場
《女警愛作戰》拍完只有個多月時間，監製張乾文還在為後期趕工，就算昨日是復活節假期，張乾文都要返電視城開工剪片，對該劇未出街已在網上熱播一事，張乾文說：「我知，我都有捧場。（咁網上版本如何？）我自己個戲，梗係好架！（個戲未賣埠就被偷播？）呢啲我就唔知，我都管唔到咁多，交畀TVBI處理，我為咗趕個後期趕到抽筋，都唔理得咁多。」
張乾文透露該劇只是剛剛拍完不久，何時在香港播映尚未有定案，但既然現在網上有得播，他都希望無綫能盡快安排在香港播出，問到會否擔心影響收視？張乾文說：「我諗觀眾層面唔同，都唔會擔心。」