呂慧儀：要阻截唔合法放映
有份演出《女》劇的呂慧儀，得聞劇集在內地網不合法「偷步」播出而大感震驚：「吓！我覺得好意外，如果公司未賣埠都可以喺內地網睇到，我覺得好奇怪，希望公司check到原因兼採取行動，阻截唔合法放映，因為我哋演員都做唔到啲乜嘢！」
另外，慧儀昨日出席將軍澳中心舉行的「第八屆香港共融國際家庭掟蛋大賽」，她即席掟雞蛋，並在台上跟參與的外籍家庭合照，現場一名洋漢不時與她交談，事後慧儀指洋漢問她的名字又對她說：「You are my next next wife！我同佢講已經嫁咗人，不過都好得意、好親切，好耐冇畀人撩過。」
嫁人後仍有「巿場」，慧儀大表安慰：「聽完內心都有少少偷笑，自信心返晒嚟！仲要係外國人，今日心情即刻好晒。」同場有小朋友會否令她想生BB？慧儀說：「都強求唔來，我同老公工作壓力都大，不過自己仲後生，唔急，生小朋友要湊責任好大，我哋冇刻意囉！」