賈曉晨發揮才華挑戰寫歌

賈曉晨（JJ）最近到音樂人方樹樑（Kenneth）開設的錄音室，為新歌錄音。JJ自爆當年曾因Kenneth的一句說話而大受打擊：「我好記得Kenneth曾經叫我『你返屋企練好啲先嚟！』嗰陣覺得好大打擊，好唔開心！」但事隔多年，JJ再度與Kenneth合作，JJ更首次嘗試作曲及填詞，問到Kenneth覺得她可有進步？他即說：「好大進步，而佢嘅才華亦好大突破！第一次聽到佢作嘅歌都覺得有板有眼，個旋律好有氣質，睇埋歌詞覺得佢幾有文采！」JJ表示自己喜歡浪漫的事物，歌詞就如迷你小說，但在作曲上自覺是初級班，經過幾番掙扎才敢讓監製聽其作品。

難忘夥拍陳奕迅

他們又異口同聲表示環境對錄音有很大幫助，故Kenneth特別把錄音室設計成屋企一樣，希望歌手們有「家」的感覺，而JJ亦大讚：「我覺得呢度好正，亦係我見過最靚嘅錄音室，真係好似屋企一樣！覺得好舒服，令我好放鬆，因為呢度對住個海，所以第一次嚟到我係咁望海景，仲問Kenneth可唔可以喺度租間房嚟住！」曾與不少歌手合作的Kenneth，表示與陳奕迅合作最難忘：「佢嚟親都12個鐘，但其實好多時間我哋都拎嚟玩，佢一埋位就好快錄好，係大師級！」

JJ首次嘗試作曲及填詞，並形容歌詞如迷你小說般浪漫。

JJ自爆當年曾因Kenneth的說話而受打擊。

文：音樂組 攝：黎志輝

鞋：danglory（賈曉晨）

場地：Q2 STUDIO